ட்ரெய்லர் III
இம்மையில் யாம் எதைக் கொண்டு தெளிவது எம் பரம் பொருளே....! சுற்றி சுற்றியிருக்கும் சுற்றலில் விரிந்து பரந்திருக்கும் மாயையின் ஆட்சியில் வெருண்டு மருண்டு ஒடுங்கி ஒழிவதைத் தவிர வழியற்றுப் போயிருக்கும் எமது யாக்கைகளுக்கு ஏதாவது ஒரு ஊன்று கோல் கொடு.....
விடுபட்டு விடுபட்டு....விலகி விலகி வாழும் வாழ்வில் பெறும் நிம்மதிகள் சர்வ நிச்சயமாய் நிம்மதியின் சாயலில் இருப்பதாகவே படுகிறது. இங்கே இன்னொரு குருசேத்ர போர் தேவை.....
எங்கே....அர்சுனன்...எங்கே.....பரமாத்மா..???? பாரதத்தோடு பணி முடிந்து விட்டது என்று போய்விட்டீர்களா? எங்கே எங்கள் ரசூல்(ஸல்).....எமக்கான போர்களுக்கு நீங்கள் மீண்டும் தேவை என்பதை மறந்து விட்டீர்களா? எங்கே ஜீசஸ்...... சிலுவையை சுமந்து மனித பாவங்களை ஒழிக்க நீங்கள் வாழ்ந்து காட்டியதால் வலிஅறியாது.... நிகழ்கிறது இங்கே....ஓராயிரம் அட்டூழியங்கள்........!!!!
எமது தேவை இப்போது ஒரு உடனடி உளவியல் போர்.......!!!!!!
பரமாத்மா நீங்கள் வந்து தேரோட்டினாலும் சரி...இல்லை..ரசுலே (ஸல்), நீங்கள் முன்னின்று வழி நடத்தினாலும் சரி அல்லது எங்கள் தேவனே......நீர் வந்து வழி நடத்தினாலும் சரி...இங்கே....மாய்க்கப்பட வேண்டிய விடயங்கள் குவிந்து கிடக்கின்றன....மூலைக்கு மூலை....
வேலையில்லாமல் வீதிக்கு வீதி அலையும் எம் இளைஞர் கூட்டம் ஒரு பக்கம்,விலை வாசி ஏற்றத்தால் குரல்வளைகள் பிடிக்கப்பட்டு விழி பிதுங்கும் எம் மக்கள் ஒரு பக்கம்....., விவாசாயத்தை நம்பி நம்பி...வானமும் பொய்க்க....வாக்களித்த படி வரத்து நீரும் வராமல் பொய்க்க.... வாடிப்போய் காலியாகும் எம் கிராமங்கள் ஒரு பக்கம்.....எமது வறுமையை சாதகமாக்கி , எமது சூழ் நிலைகளை சூத்திரங்களாக்கி....வழிகெடுக்க மூட நம்பிக்கை ஆன்மீகங்கள் ஒரு பக்கம்.......
வயிற்றுப் பசியில் போராடும் எம்மக்களுக்கு வாக்களிக்க வாய்க்கரிசி போடும் அரசியல் வாதிகள் ஒரு பக்கம்...கற்றாலும் விசால பார்வையற்று சுயநலமாய பொதுநலம் பேசும்....இருண்ட மூளைகள் ஒரு பக்கம்....என்று சூறாவளியாய் சுழன்று கொண்டிருக்கிரது எமது வாழ்க்கை.........
எமது தேவை இப்போது ஒரு உடனடி உளவியல் போர்.......!!!!!!
வாழ வழி சொல்லா......நிமிர்ந்து நிற்க கைகொடுக்கா வாய்கள்...இன்று கதைக்கும் கதைகளின் பின்ணனியில் தம்மின் அறிவுகளை கடை பரப்பு முயற்சிகள்தானே இருக்கிறது...? எமது தேசம் எமது மாண்பு எமது பிரச்சினைகள்......எமது வலிகள்....மருந்து கொடுக்க கரங்களைத்தானே கேட்கிறோம் நாங்கள்? எமக்கு அறிவுரைகள் வேண்டாம்....அதை நீங்களே வைத்துக் கொள்ளுங்கள் ...வலிக்க வலிக்க பேச வாய்களும்.....கருத்துக்களையும், புத்தக உதாரணங்களையும் கூற எம்மிடம் மூளைகளும் நிறையவே இருக்கின்றன.....நாங்கள் கேட்பது வாழ்க்கை கல்வி........ஏதேனும் வழி உண்டா அதற்கு....?
எமது தேவை இப்போது ஒரு உடனடி உளவியல் போர்.......!!!!!!
மழையில் ஒழுகும் எமது கூரைகளை எப்போது மாற்றுவோம்.....? வயதுக்கு வந்த எம் பெண்ணின் திருமணத்தின் செலவுகளுக்கு என்ன செய்வோம்.....? வளர்ந்த பையனின் கல்விக்கு என்ன செய்வோம் என்று கணக்குப் போடுமா எங்கள் மூளைகள் இல்லை...உங்களின் வெற்று வியாக்கினங்களையும்.....கர்வ அறிவுகளின் கூவல்களையும் வேடிக்கைப் பார்க்குமா.....? எங்களது இப்போதைய கவலை எல்லாம்..தக்காளி விலை குறையுமா....வெங்காயத்தின் விலை ஏன் ஏறிக் கொண்டே போகிறது ஏன்?.. பெட்ரோல் இல்லாமல் வண்டி ஓடுமா என்பதுதான்..........
எமது தேவை இப்போது ஒரு உடனடி உளவியல் போர்.......!!!!!!
காலங்கள் தோறும் செருப்பு இன்றி சகதியில் உழவு வேலை செய்கிறாரே...அந்த முத்துசாமி......அவரின் வாழ்க்கை மாற ஒரு உபாயம் சொல்லுங்கள்....? படித்து முடித்து வெளிநாடுகளுக்கு பறக்க வேண்டிய குடும்பச் சூழலால் குடும்பத்தை விட்டு வெளிநாடுகளில்...
பொருளாதரம் வேண்டு முடங்கிக் கிடக்கிறதே இந்திய இளைஞர் கூட்டம்...அதுவும் திருமணம் செய்து விட்டு......குடும்பச் சூழல் காரணமா மனைவியைப் பிரிந்து அவன் வெளிநாடுகளில் வாழ்கிறானே ஒரு இரத்த வாழ்க்கை அது பற்றி உங்களுக்கு ஏதேனும் ஒரு கற்பனையாவது இருக்கிறதா?
எமது தேவை இப்போது ஒரு உடனடி உளவியல் போர்.......!!!!!!
வியாக்கியானம் பேசும் மூளைகள் கொஞ்சம் என்னுடன் சென்னையின் சேரிப் பகுதிக்ளை சுற்றிப் பார்க்க வருமா? செருப்பில்லாமல் கூவக்கரையோரம் குவிந்து கிடக்கும் வாழ்க்கையை வாசிக்க முடியுமா? மூக்குகளை பொத்திக் கொள்ளாமல்....அவர்களின் ஒரு நாள் வாழ்க்கையை பங்கு போட முடியுமா? காலம் காலமாய் கலைந்து போயிருக்கும் எம் மக்களின் வாழ்க்கைகு தீர்வு இல்லை.....ஆனால் காமத்தை எப்படி அடுக்கி வைப்பது....? வாழ்க்கையில் எப்படி திமிர்கள் கொள்வது என்று வழிமுறை சொல்கிறீர்கள்.....
எமது தேவை இப்போது ஒரு உடனடி உளவியல் போர்.......!!!!!!
இடுப்பெலும்பில் சக்கியற்று நிற்கிற மக்களிடம் வந்து போர்ப்பயிற்சிகள் கொடுக்கிறீர்கள். ஒரு எழுத்தாளனும், அரசியல்வாதியும், கவிஞனும் பத்திரிக்கையாளனும் நான்கு சுவர்களுக்குள் மண்டியிட்டு போதை மாத்திரைகளை விழுங்கிவிட்டு எழுதுவது போல கற்பனையில் எழுதிக் கொண்டே இருந்தால் எதார்த்தப் பக்கங்களில் துருத்திக் கொண்டு இருக்கும் எலும்புகளை எப்படி பார்ப்பது.....?
எமது தேவை இப்போது ஒரு உடனடி உளவியல் போர்.......!!!!!!
தெளிந்த மானுடனாய் வாழவும்....சிந்தனைகளை கூட்டிக் கழித்து தீர்மானங்கள்
எடுக்கவும், வறுமையை துரத்தவும், கிராமப்புற பட்டதாரி இளைஞர்களை....சம காலத்து நிகழ்வுகளோடு கூடிய ஒரு சர்வதேச சமுதாயத்தை எதிர் கொள்ளும் பயிற்சி அளித்தலும், விவசாய தொழில் நுட்பத்தில் புரட்சி செய்தலும், கிராமங்கள் என்ற நமது உயிர்துடிப்புக்ளை பாதுகாப்பதும்....மூத்த குடிமக்களை மரியாதையாகவும் அவரவர் குடும்பத்துடன் வாழும் வகையில் குடும்பங்களுக்கு தெளிவு கொடுப்பதும்........
முதியோர் இல்லங்கள் எல்லாம் எதிர்காலத்தில் இல்லாமல் போக ஒரு பெரும் புரட்சி செய்வதும் செய்வதும்,வாக்களிக்கும் போது நேர்மயாக வாக்களிப்பதோடு தெருவோரங்களில் வீடுகளின்றி முடங்கிக் கொண்டிருக்கும் ஒரு பெரும்பானமை மக்களுக்கு வாக்களிக்க அதிகாரம் பெற்றுக் கொடுப்பதும்....என்று ஓராயிரம் வேலைகள் இருக்கிறது..... நமக்கு.......
எமது தேவை இப்போது ஒரு உடனடி உளவியல் போர்.......!!!!!!
முதலில் எம் உயிர் உடலில் தங்கட்டும்.....! எம் சந்ததி தழைக்கட்டும்...குறைந்த பட்சம் வாழ வழி பிறக்கட்டும்.....ஆமாம் உயிரோடு முதலில் இருந்தால்தானே...மனிதனுக்கு கலாச்சாரமும் ,திருமணமும் இன்ன பிற....விவரிப்புகளும்
வாழவே வழியற்று போராடிக் கொண்டிருக்கும் அன்றாடாட சராசரி மக்களுக்கு தீர்வு சொல்ல நாவுகள் இருக்கின்றனவா...? .மூளைகள் இருக்கின்றனவா..........?
வாருங்கள் நமக்குத் தேவையான உளவியல் போரைத் தொடங்குவோம்.. ...! இந்த வலைப்பூ என்ற ஒப்பற்ற ஊடகம் மூலம்.............
விரிவாக பேசுவோம் இன்னும் காத்திருங்கள்.......!
அப்போ வார்ர்ர்ர்ட்ட்ட்டா......!!!!!!!
தேவா. S
Comments
அதை நாங்க படிச்சதுக்கப்புறம் சொல்லுவோம்ல. என்ன அவசரம். ரொம்ப போர் இந்த பதிவு. ஹாஹா
உண்மை தான் அண்ணா! யாருமே எதையும் ஆராய்ந்து சொல்வதில்லை. ஞானிகள் போல் முனிவர்கள் போல் வாழ்க்கையை உணர்ந்தவர்கள் யாரும் இப்போது இல்லை. அதனால் தான் அறிவுரைகள் சொல்லப் படுகின்றன இல்லையென்றால் அறிவுரைகள் உணர்த்தப்படும்.
தயவு செஞ்சு எவ்ளோ கடன்னு சொல்லுங்க. நான் வேணா கட்டுறேன். எப்ப பாத்தாலும் ஓடி ஒளிஞ்சிகிட்டு...
// எமக்கு அறிவுரைகள் வேண்டாம்....அதை நீங்களே வைத்துக் கொள்ளுங்கள் ...வலிக்க வலிக்க பேச வாய்களும்.....கருத்துக்களையும், புத்தக உதாரணங்களையும் கூற எம்மிடம் மூளைகளும் நிறையவே இருக்கின்றன.....நாங்கள் கேட்பது வாழ்க்கை கல்வி........ஏதேனும் வழி உண்டா அதற்கு....?//
நல்ல கேள்வி... :)
குறிப்பா இந்த வரிகள்
//முதலில் எம் உயிர் உடலில் தங்கட்டும்.....! எம் சந்ததி தழைக்கட்டும்...குறைந்த பட்சம் வாழ வழி பிறக்கட்டும்.....ஆமாம் உயிரோடு முதலில் இருந்தால்தானே...மனிதனுக்கு கலாச்சாரமும் ,திருமணமும் இன்ன பிற....விவரிப்புகளும்//
சீக்கிரம் ஏற்ப்பாடு பண்ணுங்கள் ஒரு LIVING TOGETHER க்கு ........சீ தூ .......போ ..இத பேசி பேசி தப்பா வாய் ல வந்துருச்சி ........GET TOGETHER க்கு எல்லோரும் விரிவாக பேசுனும் ல ........எங்க? எப்போ ?ன்னு சொல்லுங்க
,மைக் 2
மைக் 3 ............எஸ் பாஸ் ..........
இந்த உளவியல் போர் ,உளவியல் போர் ன்னு சொல்லுறாரே அப்படினா என்ன ?
பாட்டாலியன்ஸ் கெட் ரெடி....
குண்டு நிரப்புங்க...
சார்ர்ர்ர்ர்ர்ர்ர்ர்ர்ஜ்....
(டுமீல்... டமால்... டும்... டிஸ்யூம்.... )போர் ஆரம்பிச்சுடுங்க
அப்போ வர்ட்டா...
இரும்பு அடிக்கிற இடத்துல ஈக்கு என்ன வேலை
விரிவா பேசுவோம் தம்பி...பேசி முடிக்கும்போது கேட்ட கேள்களும் சர்ச்சைக்குரிய பிரச்சினைகளும்...ஒண்ணுமே இல்ல அதை விட நிறைய வேலைகல் இருக்குன்னு தெரிஞ்சுக்குவோம்.....!
Nothing neither moving ahead nor........productive things are happening.........we all addicted to focus the rubbish and filthy things......!
உளவியல் போர் உங்களை அதிகம் படுத்திருச்சோ...?
சிங்கங்களை சிங்கங்கள் என்று நம்பவைக்க இங்கே போராட வேண்டியிருக்கிறது.....!!!!!!!
வழி நடத்த நீங்க ரெடியாயிட்டீங்களா அண்ணே ;)
நமது இலக்கு நமக்கு தெரியும்தானே....எல்லோரும் ஒன்று கூடி போர் புரிய வேண்டியதுதான்.....வழி நடத்தல் எதற்கு....? இங்கே தேவை ஒரு சமுதாய கோபமும் அனல் பறக்கும் உங்கள் படைப்புகளும்தானே தம்பி.....!
சோர்வுறும் போது நம்பிக்கை கை கோர்ப்புகள் வேண்டுமே.. :)
சரியான அவசியமான கேள்வி..
ஆனால் நம்பிக்கையும் உற்சாகமும் நான் கொடுக்கிறேன் தம்பி....! பலியில் முதலாய் என்னைக் கொடுக்கிறேன் தம்பி.. இப்போது ஓ.கேவா...!!!!!!
சொல்லீட்டீங்கள்ள.. நான் தொடங்கீட்டேன்..
சரி விடுங்க.. ரிலாக்ஸ் ஆகிட்டு இந்த காஃபி குடிங்க... வருகைக்கு நன்றிகள் தம்பி!
தேவா..சாரா? அது சரி................
தேவா..சாரா? அது சரி..............///
உளவியல் போர் தெரியும்...தெரியும்....இந்த பதிவில் நிறைய உள்குத்து இருக்கே
இங்கே நீங்கள் பட்டியல் இட்டு இருக்கும் ஒவ்வொன்றும் கழுத்தின் அருகில் இருக்கும் கத்தியை போன்றது.....! இவையே இப்போது சீர் படுத்தவேண்டியவை, இதை கவனிப்போம் முதலில்....மற்றதை எறிவோம் பரணில்......அங்கேயே இருக்கட்டும் தேவை படும் போது எடுத்து கொள்ளலாம்.....!
தேவா உங்களின் வார்த்தைகள் நிச்சயம் பேசும் எல்லோரின் மனதிலும், என் மனதில் இப்போது பேசியதை போல....
மெதுவாய் தொடங்கி வேகமெடுக்க தொடங்கி உள்ளது ட்ரெய்லர்.....!
//.மனிதனுக்கு கலாச்சாரமும் ,திருமணமும் இன்ன பிற....விவரிப்புகளும்///
உங்களுடைய இந்த வரிகளை விட எனக்கு வேறு பின்னூட்டம் தோன்றவில்லை அண்ணா ..!! நம்மிடம் மூளைகள் இருக்கின்றன , அதைக்கொண்டு வீண் விவாதங்கள் மூலம் என்னிடம் இருக்கும் அறிவை வெளிப்படுத்துவதை விட நீங்கள் சொன்னது போல ஒரு மாற்றம் உருவாக்குவதே நமது தேவை ..!!
ரொம்ப சரி
வலைப்பூ மூலம் சொல்லும் கருத்துகள், செய்திகள் இன்னும் நிறையப்பேரை சென்றடைய மேற்கத்திய நாடுகள் போல் கணணி என்பது வளர்ந்துவரும் நாடுகளில் (இந்தியா, இலங்கை) ஒவ்வொரு வீட்டிலும் அன்றாடப்பாவனைப் பொருள் போல் அதை வாங்கும் வசதியும் வரவேண்டும்.