Pages

Monday, October 18, 2010

இயமம்....!


















சப்தமின்றி அடங்கிப் போ...! சரித்திரங்கள் படித்து மடங்கிப் போ! வாசித்து வாசித்து தொலைந்து போ! அகந்தை அடக்கி அழிந்து போ...! மனதோடு பேசிக் கொண்டிருந்தேன் நான். மமதை கொள்ளாதே மனமே... தும்பிலும் சிறிய செயல்களை முன்னிலைப்படுத்தாதே மனமே...!

வரலாற்றில் பெரும் பங்கு ஆற்றியவர் யாரும் இன்று இல்லை.

விசுவ ரூபங்கள் என்று மனிதர்கள் நினைத்து எடுத்த அவதாரங்கள் எல்லாம் அழிந்து போய்விட்டன. வாழ்வின் அத்தியாயங்களில் இடம் பிடிக்க நினைத்து அவர்கள் செய்த பிரமாண்டங்கள் எல்லாம் கட்டிடங்களாகவும், வழிபாட்டுத்தலங்களாகவும்,குளங்களாகவும், ஆறுகளாகவும் இருந்தாலும்...அவையும் புவியின் ஓட்டத்தில் திசைகள் மாறி ஒரு நாள் சுக்கு நூறாகலாம்.

கவிதைகள் செய்தவர் கலைந்து போயினர்;போரில் வெற்றி வாகைகள் சூடியவர்கள் மாய்ந்து போயினர்; அழகாய் நின்ற பேதைகள் எல்லாம் நெருப்பின்,மண்ணின் அகோரப்பசியில் செரித்துப் போயினர். காலங்கள் தோறும் மானுடர்கள் சாரை சாரையா வந்து ஜகதல பிரதாபங்கள் செய்து, செய்ததாய் நினைத்து....வாரிசுகளாய்,வாழ்க்கையாய் எழுதி வைத்த, சேர்த்து வைத்த எல்லாமே எடுத்துச் செல்ல முடியாமல் போய்ச் சேர்ந்து விட்டனர்.

இருக்கும் வரை ஆடிப்பாடி ஏமாற்றும் என் மனமே.. ! கொஞ்சம் அடங்கிப் போ.... என்னுள் அமிழுந்து போ,,,! கூடுமான வரை தொலைந்து போ.....!

இப்படி நான் எனக்குள் பேசிக் கொண்டிருந்த 2002 ஆம் வருடத்தின் மாலை 3 மணியில் இருந்த இடம் எது தெரியுமா? எல்.ஐ.சி. அருகே இருந்த பஸ்டாப்.....! வெயில் போய் விடவா ..போய் விடவா என்று கேலி செய்தும்...மாலையின் குளுமை வந்து விடவா… வந்து விடவா என்றும என்னை பரிகசித்தும் கொண்டிருந்த ஒரு சூழல்...

என்னுடைய வார விடுப்பு நாளான திங்கள் கிழமை அது....! (அது ஏன் திங்கள் கிழமைன்னு ஆராய்ச்சி பண்ண வேண்டாம்.. மக்கா.. மெயின் ரூட்ட பிடிங்க..) சென்னை சுறு சுறுப்பாக ஓடிக் கொண்டிருந்த அந்த வேலை நாளில்... நீ என்ன லூசு மாதிரி எல்.ஐ.சி. ஸ்டாபிங்கல பண்றன்னு கேக்குறீங்களா?

சும்மாயிருந்த என்னை விக்னேஷ் அண்ணன் உசுப்பி விட்டு... உசுப்பி விட்டு…. எதேதோ சொல்லிக் கொடுத்துக் கொண்டிருந்தார். அவரது கைங்கர்யத்தில் விவேகாந்தரின் வாழ்க்கை வாழ்க்கை வரலாற்றை படித்து விட்டு...இயமம், நியமம், ஆசனம், பிராணாயாமம், பிரத்தியாகாரம், தாரணை, தியானம், சமாதி....இதில் மனம் போய் ஒன்றிக் கொள்ள....

இயமம் - விட வேண்டிய கெட்டப் பழக்கங்களை விடல்.

நான் இயமத்தில் இருந்தேன். இயமம் பழகும் பயிற்சியிலேயே ஏராளமாக வழுக்கல்களும் சறுக்கல்களும் இருந்தது. விக்னேஷ் அண்னன் சொன்ன படி .....புறச்சூழலை சரியாக வைத்துக் கொண்டால் இயமம் கைகூடும் என்ற கூற்று என் சிற்றறிவுக்கு எட்ட...

இதோ திருவல்லிக்கேணி பார்த்தசாரதியையும், பாரதி சுற்றித் திரிந்த வீதிகளையும் போய் பார்க்கலாமே என்று ஒரு நோக்கத்தில்........பேருந்துக்காய் காத்துக் கொண்டிருந்ததின் பின்ணணியில் வலுக்கட்டாயமாக பைக்கை எடுக்காமல் வந்த என் மீது கோபமும் வந்தது. கெட்டவிசயங்கள் எது என்றே இன்னும் பிடிபடவில்லை. அதிலேயே குழப்பம்..அப்புறம் எப்படி விடுவது....என்ற ஆதங்கம் வேறு......(மனசு எப்டி எல்லாம் ஏமாத்துது பாருங்க...பாஸ்)

பின்னாளில் இந்த எல்லா கொள்கைகளும் உடைந்து சுக்கு நூறானது வேறு விசயம்.

பேருந்து வருவதற்கு முன்னால் பேருந்தை எதிர் நோக்கிதானே காத்திருக்க வேண்டும்...........! ஐ மீன் பேருந்தை தானே பார்க்க வேண்டும்...பக்கத்தில் இருக்கும் பிங்க் சுடிதாரை ஏன் அடிக்கடி பார்க்க மனம் தூண்ட வேண்டும்? மேலும் அந்த பிங்க் சுடிதாரை கவரும் படி எனது பாடி லாங்க்வேஜ் கூட ஏன் சரேலென்று மாற வேண்டும்.......

அப்படி மனம் என்னை தூண்டிய போதுதான் முதல் மூன்று பாராக்களை நான் எனக்குள் சொல்லிக் கொண்டு இருந்தேன்...அதை பார்த்துதான் நீங்க எல்லாம் என்னை லூசு என்று சொன்னீங்க......!

இப்போ புரியுதா? நம்மளை சரிபடுத்திக்க அடிக்கடி இப்படி புலம்ப வேண்டியிருக்கு...அப்படி புலம்புற நேரத்துல சரியா நீங்க வந்துடுறீங்க...என் டைம்…பாஸ்! நான் என்ன பண்றது.....? ஹா.. ஹா.. ஹா…

ம்ம்ம்ம்ம்ம் ஒரு நிமிசம் இருங்க பாஸ்...ஏதோ ஒரு பஸ் வருது.....ஓ.. யா..... !திருவல்லிகேணி பஸ்தான்....சரிங்க.. நான் கிளம்புறேன்.......ஓ அடக்கடவுளே அந்த பிங்க் சுடிதாரும் அதே பஸ்ல ஏறுது.......! பின்னால திரும்பி என்ன வேற பாக்குது......!

சரி பாஸ் நான அபீட் ஆகுறேன்....என்ன ஒண்ணு பஸ்ஸுக்குள்ள என்ன நடக்குதோ அதைப் பொறுத்துதான் நான் கோவிலுக்கு போறேனா....இல்ல...அதுக்கு பின்னால இருக்குற பீச்சுக்கு போறேனான்னு தெரியும்... (அப்புறமா சத்தியமா கோவிலுக்குதாங்க போனேன்)

ஹா..ஹா..ஹா... இயமம் அப்டீன்ற விட வேண்டிய தீய செயல்களை விடுறதுக்கே இவ்ளோ பஞ்சாயத்து? ம்ம்ம்ம் முதல்ல எது தீயதுன்னு நான் தீர்மானிக்கனும்...ஐயோ...பேசிட்டே இருக்கேன் பஸ் போகுது பாஸ்.....

நாம என்னிக்கு பாஸ் நிக்குற பஸ்ல ஏறி இருக்கோம்...? ஓடற பஸ்ல ஏறி எக்குத்தப்பா கைய கால ஒடச்சிகிறதுதானே...பெரிய பந்தாவா இருக்கு ஊருக்குள்ள....மீ எஸ்கேப்ப்ப்ப்ப்ப்ப்ப் ஃபார் நவ்........ கேட்ச் யூ ஆல் லேட்டர்.....!

அப்போ வர்ட்டா....!


தேவா . S

26 comments:

சேலம் தேவா said...

இயமம் இப்போது இயலாத காரியம்..!!

ரமேஷ்- ரொம்ப நல்லவன்(சத்தியமா) said...

அந்த பிங்க் சுடிதார்கிட்ட அடி வாங்கினத பத்தி சொல்லுங்க.

அருண் பிரசாத் said...

நானும் போய் எல் ஐ சி பஸ் ஸ்டாப்புல நின்னு பாக்குறேன்... வருதானு? பஸ்சை தாம்பா

Shameer said...

இயமம் அழகான வார்த்தை, இந்த பதிவுக்கு என்ன கமெண்ட் போடுறதுன்னு தெரியலங்னா. சுயபரிசோதனைதான் மாற்றத்திற்கான ஒரே வழி.

வெறும்பய said...

சைட் அடிச்ச கதைய சொல்ல இப்படி சுத்தி வரணுமா....

ப.செல்வக்குமார் said...

//(அது ஏன் திங்கள் கிழமைன்னு ஆராய்ச்சி பண்ண வேண்டாம்.. மக்கா.. மெயின் ரூட்ட பிடிங்க..) //

எனக்கு அப்படி ஆராய்ச்சி பண்ணத்தானே பிடிக்குது ..
அது ஏன் திங்கள்கிழமைன்னு தெரியுமா ..?
அதுக்கு முந்திய நாள் ஞாயிற்றுக்கிழமை . அதனால ..

ப.செல்வக்குமார் said...

அது சரி ., போய் பஸ்ல ஏறிப்போங்க..!! நானும் கிளம்புறேன் ..

TERROR-PANDIYAN(VAS) said...

@தேவா

//அப்படி மனம் என்னை தூண்டிய போதுதான் முதல் மூன்று பாராக்களை நான் எனக்குள் சொல்லிக் கொண்டு இருந்தேன்...அதை பார்த்துதான் நீங்க எல்லாம் என்னை லூசு என்று சொன்னீங்க......!//

மாப்பு மொதல் பேர படிச்சதும் எல்லா ஓடி போய்ட்டான். அப்புறம் எங்க 3 பேரா?? நான் தான் வழிமாறி வந்துட்டேன்.... :))

சிறுகுடி ராம் said...

//(அப்புறமா சத்தியமா கோவிலுக்குதாங்க போனேன்)//

அந்த பிங்க் சுடிதார் கூடவா மாப்ஸ்..?

அம்பிகா said...

உங்க இயமம் நல்லா இருந்தது. பிங்க் சுடிதார் இயமத்துல வராதா?

இம்சைஅரசன் பாபு.. said...

ஏற்கனேவே ரஜினி ரசிகன் வேற ..............இனி தேவா அண்ணா வை பார்க்க எல்லோரும் இமய மலை அடிவாரத்தை நோக்கி பயணம் செய்ய வேண்டியது வருமோ

dheva said...

இம்சை..@ இயமம் டா தம்பி...இமயம் இல்ல.. ஹையோ..ஹையோ..!

dheva said...

சிறுகுடி ராமு..@ அடப்பாவி.. எப்படி லாக் பண்ற நீ....! இரு வர்றேன் தங்கச்சிக்கு போன போட்டாதான் சரியா வருவே.. நீ..!

dheva said...

டெரரு..@ அப்டியா மாப்ஸ்.. இவிங்கள சமாதனம் பண்ணி கூட்டிட்டு வரதுக்குள்ள டங்கு வாரு பிஞ்சுடும் போலயே...

அங்க பாரு ஒருத்தன.. இயமம்னு போஸ்டு போட்டா.. மப்புல இமயம்னு படிக்கிறான்...!

dheva said...

//அதுக்கு முந்திய நாள் ஞாயிற்றுக்கிழமை . அதனால .. //

செல்வு..@ யப்பா... யாராச்சும் ஒரு ரேடியோ ஜாக்கி வேலைய சீக்கிரமா கொடுங்களேன்பா.. (யாம் பெற்ற இன்பம் பெருக இவ்வையகம்)

dheva said...

//சைட் அடிச்ச கதைய சொல்ல இப்படி சுத்தி வரணுமா....//

வெறும்பய...@ அப்போ இது சைட் அடிச்ச கதையா????? அம்புட்டுதேன்....விளங்குச்ச...சாச்சுபுட்டியேடா தம்பி....!

இம்சைஅரசன் பாபு.. said...

//இம்சை..@ இயமம் டா தம்பி...இமயம் இல்ல.. ஹையோ..ஹையோ.//
இயமம்-இதுக்கு அர்த்தம் சொல்லுங்க நான் நிஜத்துக்கும் கேக்குறேன் ........ஆமா .இமசை ன காமெடி அப்படி நினைக்க கூடாது இல்ல ......அதான் இந்த சந்தேகம்

ஆர்.கே.சதீஷ்குமார் said...

வெகு ஸ்வாரஸ்யமாக இருக்கிறது

ஆர்.கே.சதீஷ்குமார் said...

சரி பாஸ் நான அபீட் ஆகுறேன்....என்ன ஒண்ணு பஸ்ஸுக்குள்ள என்ன நடக்குதோ அதைப் பொறுத்துதான் நான் கோவிலுக்கு போறேனா....இல்ல...அதுக்கு பின்னால இருக்குற பீச்சுக்கு போறேனான்னு தெரியும்//

சூப்பர் டச் வரிகள்

Chitra said...

////ஹா..ஹா..ஹா... இயமம் அப்டீன்ற விட வேண்டிய தீய செயல்களை விடுறதுக்கே இவ்ளோ பஞ்சாயத்து? ம்ம்ம்ம் முதல்ல எது தீயதுன்னு நான் தீர்மானிக்கனும்...ஐயோ...பேசிட்டே இருக்கேன் பஸ் போகுது பாஸ்.....////


.....தலைப்பை பார்த்துட்டு, என்னடா இமயம் ஸ்பெல்லிங் தப்பா இருக்கே என்று நினைச்சேன்... இப்போதான் விஷயம் தெரியுது.... கலக்குறீங்க, தேவா!

SASIKUMAR said...

mudiyala ippaveh kannaikkattuthuda saaamee.innum evlavuthaaan stock irukku?

விந்தைமனிதன் said...

அண்ணே, சீக்கிரமா ஆசிரமம் ஓப்பன் பண்ணிடுவோம்... நீங்கதான் தலைவரு... நாந்தான் செயலாளரு... ஒரு பயலுக்கும் ஒரு போஸ்டிங்கு குடுக்கப்படாது!

ப்ரியமுடன் வசந்த் said...

பின்னாளில் இந்த எல்லா கொள்கைகளும் உடைந்து சுக்கு நூறானது வேறு விசயம்.//

ஹெஹெஹே...

நாங்கல்லாம் யாரு !

சே.குமார் said...

////ஹா..ஹா..ஹா... இயமம் அப்டீன்ற விட வேண்டிய தீய செயல்களை விடுறதுக்கே இவ்ளோ பஞ்சாயத்து? ம்ம்ம்ம் முதல்ல எது தீயதுன்னு நான் தீர்மானிக்கனும்...ஐயோ...பேசிட்டே இருக்கேன் பஸ் போகுது பாஸ்.....////


.....தலைப்பை பார்த்துட்டு, என்னடா இமயம் ஸ்பெல்லிங் தப்பா இருக்கே என்று நினைச்சேன்... இப்போதான் விஷயம் தெரியுது.... கலக்குறீங்க, தேவா! //


Repeat.......... CHITRA Madam...

ஜெயந்தி said...

அதுதான் மனசு. இல்லன்னா கண்ணு முன்னாலேயே மரணங்களைப் பார்த்தும், தனக்கும் எந்த நேரமும் மரணம் வரலாம் என்று தெரிந்திருந்தும் மனிதன் இந்த ஆட்டம் ஆடுவானா?

ரங்கன் said...

இன்னைல இருந்து நான் உன்னோட ஃபேன்யா!!!!!

பட்..இயமம்..சரியான டெக்னிக் இல்லை..!!

அதை அனுபவிச்சு சொல்றேன்...!!!!