வரம் விழியசைப்பில் ஒற்றை தலையசைப்பில் உதட்டோர புன்னகையில் ஆழமான ஒரு பார்வையில் சொல்லிதான் விடேன் உன் காதலை! *** தவம் மோனலிசாவிற்கு புன்னகையைப் பரிசளித்த லியனர்டோவின் தூரிகை உன்னையொரு முறை ஓவியமாய் தீட்டி விட தவம் கிடக்கிறதாம்...! *** விடியல் நீ சோம்பல் முறித்து எழும்போதுதான் விழித்துக் கொள்கிறது என் நீண்ட இரவுகளும்..! *** பலம் மெளனித்த நிமிடம் முதல் உணர்கிறேன் நீ சப்தமானவள் என்று....! *** தோல்வி வெற்று மையை காகிதத்தில் பரவவிட்டு வார்த்தைகள் ஓடி ஒளிந்து கொள்கின்றன உன் நினைவுகளுக்குப் பின்னால்! *** வெறுமை எனக்கு பிடித்ததெல்லாம் நீ சொன்னாய்... உனக்கு பிடித்ததெல்லாம் நான் சொன்னேன்... பரிமாற முடியாமல் நீ சுற்றிப் பரவவிட்ட காதலை பற்றிக் கொள்ள முடியாமல் பரவிக் கிடக்கிறேன் நிலவின் வெளிச்சம் போல....! தேவா. S
இவன் ஜெயிக்கப் பிறந்தவன்....