Pages

Thursday, April 21, 2011

இமைகளைக் கடக்கும் கனவுகள்...!





















தொல்லை

உனக்காக ஒரு கவிதைக்காக
வார்த்தைகளை நான் தேடும்...
பொழுதிலாவது கொஞ்சம்
குறுக்கும் நெடுக்குமாய்
நினைவுகளில் நடந்து...
என்னை கலைக்காமலிரேன்!

***

சபதம்

இரு இரு...
உன் மெளனத்தை..
என் மெளனத்தாலேயே
உடைக்கிறேன்!

***

கோபம்

எல்லோரையும் நேராகவும்
என்னை மட்டும் கடை கண்ணாலும்
நோக்கும் உன் விழிகளுக்கு
ஏனிந்த ஓர வஞ்சனை?

***

சந்தோசம்

எல்லோரிடமும் பேசி
என்னோடு பேசாமல் போனால்
பேசாமல் போய் விடுமா
நம் காதல்?
நீ உதடுகளுக்கு காவல் போட்டாய்
கண்களின் வழியே
கள்ளத்தனமாய் அது
எட்டிப் பார்க்கிறதே
என்னடி செய்வாய்?

***

தூரம்

நீயும் நானும் அருகருகே...
நம் காதலைப் பற்றிய
அதீத கற்பனையில்
நம்முள் நிறைந்த காதல்
உனக்கும் எனக்குமான
இடைவெளிகளில் நிரம்பி ததும்ப
நெருக்கத்தில் தொலையும் காதலை
தூரங்களில் தானே ரசிக்கிறோம்?

***

சோர்வு

உன்னை காதலிக்கிறேன்
என்று சொல்லத் தெரியாமல்
எத்தனை கவிதைகளைதான்
நானும் எழுதுவது?
எல்லா கவிதைகளும்
காதல் மாதிரி ஒன்றை சொல்லிவிட்டு
கவனமாய் காதலை சொல்லாமல்
விட்டு விடுகிறது!


தேவா. S


8 comments:

Ananthi (அன்புடன் ஆனந்தி) said...

Wow........ Lovely Kavithai :-)

Ananthi (அன்புடன் ஆனந்தி) said...

தொல்லையில் ஆரம்பித்து...
சபதமும் எடுத்து...
கோபத்தில் கிளைத்து...
சந்தோசத்தில் திளைத்து...
தூரம் நின்றே ரசித்து..
சோர்வில் களைத்தும்

உங்கள் காதலை சொல்லிட்டீங்களே..! :)

குட்டி குட்டியா.. முத்து முத்தா உங்க கவிதை... ரசித்தேன்.. :)

Chitra said...

கவிதைகள் எழுதும் போது, தேவாவின் எழுத்துக்கள் புது பொலிவுடன் வலம் வருகின்றன. அருமை.

ஷர்புதீன் said...

ரசித்தேன்.. :)

Mahan.Thamesh said...

உங்கள் கவி மழையில் நனைந்து விட்டேன் சார்
அருமை அத்தனை குட்டிக்கவிதையும்

RVS said...

ஓர வஞ்சனை நன்றாக இருந்தது தேவா! வாழ்த்துக்கள். ;-)

ஷர்புதீன் said...

உங்கள் பதிவுகளின் பாலோவரான நான்., இனி வரும் காலங்களில் வாரம் வாரம் சனி அல்லது ஞாயிற்று கிழமைகளில்., உங்களின் அந்தந்த வாரம் படிக்க தவறிய பதிவுகளை படிக்கலாம் என்று திட்டமிட்டிருக்கிறேன்., பார்க்கலாம் எந்த அளவிற்கு நடைமுறை படுத்துகிறேன் என்பதை!

:)

மேல உள்ளவாறு அடையாளமிட்டால், இந்த இடுக்கையை படித்துவிட்டேன்., என்னுடைய கருத்தென்று சொல்ல ஒன்றுமில்லை., அதாவது உங்களின் இந்த கட்டுரையை ஒரு சின்ன புன்னகையோடு ஏற்றுகொள்கிறேன் என்று அர்த்தம்!

dheva said...

நன்றி சர்புதீன்!!!! :-)