Pages

Monday, September 13, 2010

சினேகம்...!






















எப்போதாவது...வந்து செல்கிறது...
உன் நினைவுகள்...!
கடந்தகால விதைத்தலின்
விசுவாசமாய்....!
மெலிதாய் கிளர்ந்தெழும்.. நினைவுகளூடே....
மெளனமான பார்வையால்..
நம் கடந்த கால...சந்தோசங்களை
அவ்வப்போது வாரித்தெழிக்கிறாய்....!

எதிர்பார்ப்பே இல்லாமல் ....
நேசித்ததின் அடையாளமாய்...
இன்னமும்....ஒரு எதார்த்த
பிம்பமாய்... என்னை வலம்
வரும் உன் நினைவுகளோடு...
உன் பெயர் சொல்லி...
அழைத்து வாஞ்சையோடு...
என்னருகே இருத்தி...
என் பேத்தியின் தலை தடவும்
பொழுதுகளில்..கோர்க்கும்...
கண்ணீரில் ஒளிந்திருக்கிறது...
இத்தனை காலம் உன்னிடம்
சொல்லாத என்....வயதான காதல்!


காதல் என்பது பல நேரங்களில் ஒரு தயக்கத்திலேயே சொல்ல முடியாமல் போகும் அளவிற்கு காலத்தின் கணக்குகள் இருக்கும். சொல்லாத காதல்கள் சொல்லாததால் இல்லை என்றாகிவிடுமா? வாழ்வின் பல நேரங்களில் கடந்து வந்த நேசங்களின் நினைவுகள் மரிக்கும் வரை மனதை விட்டு அது அகலாது,

பொய்யாய் ஓராயிர மறைத்தல்களை கைக்கொண்டு வாழ்க்கையின் படிகளை கடந்து கொண்டுதானிருப்போம்...கடக்கும் பொழுதுகளில் ஏதோ ஒரு கணங்களில் விடாமல் தொடர்ந்து கொண்டிருக்கும் சில நினைவுகள் நினைவுகளை வலுக்கட்டாயமாக கொண்டு வராமலேயே ஒரு வித ஏக்கத்தின் சாயலை உணர்வு நிலையில் நின்று ஒரு வித சந்தோசத்தை உடலெல்லாம் பரவசெய்யும் கண்ணிய மிக்க உறவுகள் இல்லாமல் யாரும் இருக்க முடியாது....?

மென்மையாய் இருக்கும் இந்த உணர்வுகளை உணர்ந்தவர்... தனிமையிலேயே சிரித்துக் கொள்ளவும் நேரிடலாம்......இல்லை என்று சொல்பவர்கள்...ஒரு கோப்பை சூடான தேனீரோடு கொஞ்சம் தனிமையில் போய் வானம் பார்த்து அமருங்கள்....உங்களுக்கான அனுபவம் வாய்க்கலாம்...!


தேவா. S

29 comments:

இராமசாமி கண்ணண் said...

அது எப்படி வயசான உடனே நான் இப்படித்தான் இருப்பேன்னு நீங்களே உங்களே வரஞ்சு வெச்சிருக்கிங்க.. ஒவியம் சூப்பர்.. கவிதை அத விட :)

Chitra said...

மென்மையாய் இருக்கும் இந்த உணர்வுகளை உணர்ந்தவர்... தனிமையிலேயே சிரித்துக் கொள்ளவும் நேரிடலாம்......இல்லை என்று சொல்பவர்கள்...ஒரு கோப்பை சூடான தேனீரோடு கொஞ்சம் தனிமையில் போய் வானம் பார்த்து அமருங்கள்....உங்களுக்கான அனுபவம் வாய்க்கலாம்...!


.......இந்த மென்மையான உணர்வுகளை, வயாதாகும் முன்னே, நீங்கள் உணர்ந்து உள்ளதை, கவிதையிலும் அதன் விளக்கத்திலும் காண முடிகிறது. :-)

Balaji saravana said...

//கடக்கும் பொழுதுகளில் ஏதோ ஒரு கணங்களில்
விடாமல் தொடர்ந்து கொண்டிருக்கும்
சில நினைவுகளை வலுக்கட்டாயமாக
கொண்டு வராமலேயே
ஏக்கத்தின் சாயலை உணர்வு நிலையில்
நின்று ஒரு சந்தோசத்தை உடலெல்லாம்
பரவசெய்யும் கண்ணிய மிக்க உறவுகள்
இல்லாமல் யாரும் இருக்க முடியுமா?....//

கவிதைக்கு விளக்கமும் கவிதையாகவே இருக்கே அண்ணே!
சூப்பர்:)

இம்சைஅரசன் பாபு.. said...

//மென்மையாய் இருக்கும் இந்த உணர்வுகளை உணர்ந்தவர்... தனிமையிலேயே சிரித்துக் கொள்ளவும் நேரிடலாம்......இல்லை என்று சொல்பவர்கள்...ஒரு கோப்பை சூடான தேனீரோடு கொஞ்சம் தனிமையில் போய் வானம் பார்த்து அமருங்கள்....உங்களுக்கான அனுபவம் வாய்க்கலாம்...!//

நன்றாக இருக்கிறது அண்ணா.மேலே குறிபிட்டது எனக்கு பிடித்த வரிகள்

இம்சைஅரசன் பாபு.. said...

@dheva
உங்கள் வயது என்ன என்று எனக்கு தெரியாது .ஆனால் சித்ரா கூறியது போல் இருந்தால் உங்கள் மனது பூ போன்றது

வெறும்பய said...

தள்ளாடும் வயதில் வரும் பழைய கால நினைவுகளை பற்றி அனுபவிக்காமல்.... அனுபவித்து கூறிய விதம் அருமை அண்ணா...

என்னது நானு யாரா? said...

//கண்ணீரில் ஒளிந்திருக்கிறது...
இத்தனை காலம் உன்னிடம்
சொல்லாத என்....வயதான காதல்!//

ஒரு தலை காதலை பற்றி தானே இது தேவா? அதன் சக்தி வீரியம் ஆனது தான் இல்லையா? மனத்தில் ஒளிந்து கொண்டு தினமும் நம் மனதிரையில் அந்த சொல்லாத காதலை ஓட்டு, நமக்கு ஒரு வேதனையையும், மகிழ்ச்சியையும் ஒரு சேர கொடுத்து...அதன் விளையாட்டுக்கள் அருமை...

அருண் பிரசாத் said...

ஆகா, சூப்பர்
அருமை
நல்லா எழுதி இருக்கீங்க
கலக்கல் பதிவு
எப்படி இப்படிலாம் யோசிக்கறீங்க

ங்கொய்யாலா.... யாராவது இப்படி கமெண்ட் போட்டீங்க, உங்க வீட்டுல வந்து நான், டெரர், ரமெஷ் எல்லாம் சேர்ந்து கும்மி அடிப்போம்

dheva said...

அருண்...@ தம்பி உடையான் படைக்கு அஞ்சான். அப்படின்ன்னு சொல்லிட்டு புரூஃப் பண்றேன்னு சொன்னியே... அதானா இது.....

அருண் பிரசாத் said...

//தம்பி உடையான் படைக்கு அஞ்சான்.//

கண்டிப்பா, நாங்க இருக்கும் போது யார் உங்களை கலாய்கறாங்கனு பாத்துக்கறேன்

தமிழ் உதயம் said...

பல்லாயிரம் பேரின் காதலை பதிவாக்கி உள்ளிர்கள

ப.செல்வக்குமார் said...

ஆகா, சூப்பர்
அருமை
நல்லா எழுதி இருக்கீங்க
கலக்கல் பதிவு
எப்படி இப்படிலாம் யோசிக்கறீங்க

ப.செல்வக்குமார் said...

//பொய்யாய் ஓராயிர மறைத்தல்களை கைக்கொண்டு வாழ்க்கையின் படிகளை கடந்து கொண்டுதானிருப்போம்...//

இது நிறைய நடக்குது அண்ணா.. எல்லோர் வாழ்கையிலும் இது போன்ற தருணங்கள் கண்டிப்பாக இருக்கும் ..!!

//மென்மையாய் இருக்கும் இந்த உணர்வுகளை உணர்ந்தவர்... தனிமையிலேயே சிரித்துக் கொள்ளவும் நேரிடலாம்..//

நானே சில சமயம் அப்படி சிரித்திருக்கிறேன் ..!!

Shameer said...

//காதல் என்பது பல நேரங்களில் ஒரு தயக்கத்திலேயே சொல்ல முடியாமல் போகும் அளவிற்கு காலத்தின் கணக்குகள் இருக்கும். சொல்லாத காதல்கள் சொல்லாததால் இல்லை என்றாகிவிடுமா? வாழ்வின் பல நேரங்களில் கடந்து வந்த நேசங்களின் நினைவுகள் மரிக்கும் வரை மனதை விட்டு அது அகலாது,//

nidarsanamaana unmai....

VELU.G said...

ரொம்ப நல்லாயிருக்குங்க தேவா

Jey said...

voted....:)

வெறும்பய said...

தங்களை தொடர் பதிவு எழுத அழைத்துள்ளேன்...

http://verumpaye.blogspot.com/2010/09/blog-post.html

Kousalya said...

கவிதைகளின் வரிகளை படிக்கும் போது 'சொல்லாத காதல்' என்ற ஒன்று பலருக்குள்ளும் பசுமையாக இருந்து வயதான காலத்திலும் நினைவுக்கு வந்து வலியை கொடுக்கும் என்பதைத்தான் எனக்கு புரிய வைக்கிறது. பேத்தி பேர் கூட அவங்க பேர்தானா....??!


//மென்மையாய் இருக்கும் இந்த உணர்வுகளை உணர்ந்தவர்... தனிமையிலேயே சிரித்துக் கொள்ளவும் நேரிடலாம்......இல்லை என்று சொல்பவர்கள்...ஒரு கோப்பை சூடான தேனீரோடு கொஞ்சம் தனிமையில் போய் வானம் பார்த்து அமருங்கள்....உங்களுக்கான அனுபவம் வாய்க்கலாம்...!//

அனுபவம் வாய்த்தவர்களும், இப்போது அப்படித்தான் வானம் பார்த்து கொண்டு இருக்கிறார்கள் என்று நினைக்கிறேன்...!!

:))

வினோ said...

கவிதையும் விளக்கமும் அருமை

நானும் வந்திட்டேன் தேவா...

சௌந்தர் said...

ஆகா, சூப்பர்
அருமை
நல்லா எழுதி இருக்கீங்க
கலக்கல் பதிவு
எப்படி இப்படிலாம் யோசிக்கறீங்க

சௌந்தர் said...

மென்மையாய் இருக்கும் இந்த உணர்வுகளை உணர்ந்தவர்... தனிமையிலேயே சிரித்துக் கொள்ளவும் நேரிடலாம்...../////

தனிமையில் பழைய நினைவுகளை நினைத்து பார்த்தால்
நல்ல அனுபவமாக தான் இருக்கும்

Ananthi said...

///மென்மையாய் இருக்கும் இந்த உணர்வுகளை உணர்ந்தவர்... தனிமையிலேயே சிரித்துக் கொள்ளவும் நேரிடலாம்......இல்லை என்று சொல்பவர்கள்...ஒரு கோப்பை சூடான தேனீரோடு கொஞ்சம் தனிமையில் போய் வானம் பார்த்து அமருங்கள்....உங்களுக்கான அனுபவம் வாய்க்கலாம்...!///

ஹா ஹா.. எனக்கும் இப்படி நேர்ந்திருக்கிறது... அந்த மெல்லிய உணர்வை உணர்வதே பாக்கியம்....!!

இல்லைன்னு எல்லாம் சொல்ல மாட்டேன்... (இருந்தாலும் ஏதோ பாத்து ஒரு தேநீர் கிடைக்குமா?? )

Ananthi said...

எச்சூச்மி... ஒரு கேள்வி கேக்க மறந்துட்டேன்...!!
படத்துல இருக்குற தாத்தா யாருங்க??

ஹேமா said...

உண்மையா உண்மை தேவா.
போனவாரம்தான் "மதராசப்பட்டினம்"பார்த்தேன்.
நீங்கள் குறிப்பிட்டுதுபோல காதலின் ஆழம் காத்திருப்பு மனதைப் பாரமாக்கிவிட்டிருந்தது.

விந்தைமனிதன் said...

//என் பேத்தியின் தலை தடவும்
பொழுதுகளில்..கோர்க்கும்...
கண்ணீரில் ஒளிந்திருக்கிறது...
இத்தனை காலம் உன்னிடம்
சொல்லாத என்....வயதான காதல்!//

இது க்ளாஸ்!

சே.குமார் said...

அருமை
நல்லா எழுதி இருக்கீங்க

velji said...

கவிதையே சகலமும் சொல்லிவிடது....தனிமைக்கும்,தேனீர்க்கோப்பைக்கும் தேவையின்றி.அருமை!

நிலாமதி said...

கடந்து வந்த நேசங்களின் நினைவுகள் மரிக்கும் வரை மனதை விட்டு அது அகலாது,........excellent

ஜெயந்தி said...

//பொய்யாய் ஓராயிர மறைத்தல்களை கைக்கொண்டு வாழ்க்கையின் படிகளை கடந்து கொண்டுதானிருப்போம்...கடக்கும் பொழுதுகளில் ஏதோ ஒரு கணங்களில் விடாமல் தொடர்ந்து கொண்டிருக்கும் சில நினைவுகள் நினைவுகளை வலுக்கட்டாயமாக கொண்டு வராமலேயே ஒரு வித ஏக்கத்தின் சாயலை உணர்வு நிலையில் நின்று ஒரு வித சந்தோசத்தை உடலெல்லாம் பரவசெய்யும் கண்ணிய மிக்க உறவுகள் இல்லாமல் யாரும் இருக்க முடியாது....?//
:)