பப்பு....!

காலையிலிருந்து பப்புவிற்கு தலை சுற்றியது, வயிறு குலைந்தது, மயக்கம் வந்தது, ஒரு மாதிரி...சுழற்றி, சுழற்றி அடித்தது....என்ன ஆச்சுன்னு கேக்குறீங்களா?

மேலே படிங்க....பாஸ்....

பப்புவுக்கு தினம் ஒரு பதிவு எழுதி போஸ்ட் பண்ணனும் அப்படி இப்படி ஏதேதோ எழுதி போஸ்ட் பண்ணி ஓட்டிக்கிட்டிருந்த அவனுக்கு அன்னிக்கு என்ன எழுதறதுன்னு தெரியல.....ஏதாச்சும் எழுதியாகணுமேன்னு ஒரே டென்சன்.. என்னமோ இவன் கூவி உலகம் விடியப் போறாப்புல ஒரு நினைப்பு.....

சொக்கா........பதிவு எழுத ஒரு வலி சொல்ல மாட்டியான்னு கத்தாத குறைதான்....! தூங்கி எழுந்த உடனே அடிக்கிற அலாரத்தை ஆஃப் பண்ணும் போதே நினைச்சான்....அலாரம் டைம்பிக்ஸ் பத்தி எழுதலாமா.....காலையில எப்படி தொந்தரவு கொடுக்குதுன்னு.....ம்ம்ம் சரியா அது பத்தி ஒண்ணும் மேட்டர் கிடைக்காததால அத ஸ்கிப் பண்ணிட்டான்...

குளிக்க பாத்ரூம் போனான்...பைப்புல தண்ணி வந்த வேகத்துல நினைச்சான்... சரி தண்ணீர் சேமிப்பை பத்தி எழுதலாமான்னு,,ம்ம்ம்ஹீம்...அது பத்தியும் ஒண்ணும் சரியா தோணலை....! சாப்பிடும் போது நினைச்சான்... இட்லிக்கு தொட்டுக்க ஏத்த சட்னின்னு ஒரு சமையல் குறிப்பாச்சும் போடுவமான்னு ... உடனே அவுங்க அம்மாவ கூப்பிட்டு ஏம்மா இந்த தேங்காய் சட்னி எப்படி வைக்கிறதுன்னு கேட்டான்? எதுக்குடா கேக்குறன்னு அவுங்க அம்மா கேட்டாங்க? பதிவுல போடபோறேன்னு சொன்னதுதான் தாமதம்......போடா போ வெட்டிப்பயலே..ஆபிஸ்ல போய் வேலைய பாருடான்னா...சமையல் குறிப்பு போடப்போறானாம்னு அவுங்க மூஞ்சிய காட்டினாங்க....

பப்புவிற்கு கண்கள் இருண்டே போச்சு....அச்சோ.. நான் பெரிய பதிவராச்சே.....அத காட்டியே ஆகணுமே... ( ஒரு நாதி கூட சீண்டாது அது வேற விசயம்...) என்ன பண்ணலாம்? இந்த நினைப்புலயே...வண்டி ஓட்டிகிட்டு போனவன ரெட் சிக்னல கவனிக்கல....டிராபிக் கான்ஸடபிள் கிட்ட....100 ரூபாய் துட்டு கொடுத்துட்டு... மறுபடியும் பைக் ஸ்டார்ட் பன்ணியவனுக்கு சரி... இந்த லஞ்சம் கொடுக்குறது பத்தி எழுதலாம்னு நினைச்சான்... ஆனா அது பத்தி ஷங்கர் ஏற்கனவே 'இந்தியன்'ல டீட்டெய்ல சொல்லிட்டதால அது பத்தியும் எழுத முடியல....

வீடு புல்லா புக்கு வாங்கி வச்சிருப்பான் பப்பு..ஆனா எடுத்து தொட்டு கூட பாக்க மாட்டான். ஃப்ரியா வலைப்பூவும் தமிழ்ழ டைப் பண்ண சாப்ட்வேறும் கிடைச்சதும் தான் தாமதம்....தென்னைமரமும் அதன் பயன்களும்னு ஸ்கூலுல எழுத சொன்னதையே ஒழுங்கா எழுதாத பப்பு... இன்னிக்கு என்னன்னமோ எழுத ஆரம்பிச்சுட்டான்....

உலகப்பிரச்சினைக்கு எல்லாம் தீர்வு சொல்றதுக்கு இவனுக்கு மெளசும் கீபோர்டும் போதும்னு நினைச்சுகிட்டு...... காஷ்மீர்ல இருந்து கன்னியாகுமரி வரைக்கும் ஏதாவது நடந்த போதும் போஸ்ட் போட்டுடுவான். என்ன ஏது எழுதனும்னு ஒரு வரைமுறை இல்லை...எதாச்சும் எழுதணும்....அதுதான் பப்பு ஸ்டைல்...!

அப்படிப்பட்ட பப்புக்கு அன்னிக்கு பருப்பு வேகாம போச்சு.... ஒரு சாச்சுரேசன் பாயின்ட் வந்து என்ன எழுதறதுன்னு தெரியாமா இதோ ஆபிஸ்ல வந்து வண்டிய நிறுத்துறான் பாருங்க.....ஏற்கனவே 30 நிமிசம் லேட்டுன்னு கூட தெரியல பப்புவிற்கு.....

ஆபிசுக்கு உள்ள போன பப்புவை மேனேஜர் கூப்பிட்டனுப்பினாரு... பப்பு ஸ்டைலா மேனஜர் ரூம்குள்ள போனான்.....ஒரு 20 நிமிசம் கழிச்சு வெளில வந்தான்... அக்கவுண்டண்ட் என்னாச்சுன்னு? கேட்டாரு பப்புகிட்ட... லேட்டா வந்தேன்னு கும்மிட்டாரு மேனேஜர்னு சொன்னவன்..இந்த மேனஜர பத்தி ஒரு பதிவு எழுதி வஞ்சம் தீர்க்க்கணும்னு நினைச்சு சந்தோசப்பட்டான் ஆனா ஒரு வேளை மேனேஜர் போஸ்ட எடுத்து படிச்சா என்னாகும்னு பயந்து அதையும் கைவிட வேண்டியதா போச்சு......

இதே நினைப்புலயே...ஏகப்பட்ட தவறுகளும் வாங்கிக் கட்டிக் கொள்ளுதலும்னு பாப்புவுக்கு நாள் ஓடிட்டே இருந்துச்சே தவிர பதிவு போட ஒரு மேட்டரும் கிடைக்கல...!

நொந்து போன பப்புவிற்கு டக்குனு ஐடியா வந்துச்சு.......சரி....இன்னிக்கு பதிவு போடமுடியாத அளவு ஆணின்னு சொல்லி ஒரு பதிவு போடுவம்னு யோசிச்சு டைப் பண்ணும் போதே.... இம்பார்டண்டா பாஸ் பண்ண வேண்டிய பைலை மேனஜருக்கு பாஸ் பண்ண மறந்துட்டான்......அப்புறம் என்னா....ஏதேதோ பிரச்சினை ஆகி....மறுபடியும் இப்போ ஜெனரல் மேனேஜர் கும்மு கும்ம்ம்னு கும்மிட்டாரு.

நல்லா வாங்கிகட்டிகிட்டு வெளில வந்த பப்புவுக்கு அடுத்த சோதனை.....ஆமாம் அவன் சிஸ்டத்துல கொஞ்சம் நஞ்சம் தேத்தி வச்சிருந்த ஒரு மொக்கை போஸ்டும் சேவ் பண்ணததால....சிஸ்டம் ரீ ஸ்டார்ட் ஆனதுல மறைஞ்சு போச்சு.....

டென்சன் ஆயிட்டான் பப்பு...இந்த லட்சணத்துல....பப்பு வோட இரண்டு ஃப்ரண்ட்ஸ் வேற...என்ன பப்பு....போஸ்ட் என்னாச்சு...னு போன போட்டு கேட்டு வேற உசுப்பேத்தி விட்டுடானுக......(அவனுக வேணும்னே உசுப்பேத்தியது பப்புவிற்கு எப்படி தெரியும்...... நம்ம ஆளுதான் பாப்புலாரிட்டிக்கு அடிமையாச்சே...!!!)

சரி ஏதாச்சும் எழுதணும்னு பிளாக்க ஓப்பன் பண்னிய பப்புவை மேனேஜர் கையும் களவுமா பாத்துட்டு....காட்டு காட்டுனு காட்டிட்டாரு! ஒரு 30 இமெயில்ஸ (ஒரு ரிப்ளை மட்டும் 2 பக்கம் வரும்..அவ்வ்வ்வ்வ்வ்வ்) கொடுத்து.... இன்னும் ஒன் அவர்ல எல்லோருக்கும் போயாகணும்னு கத்திட்டு...போனபோது மணி மாலை 6 .......!

ஆமாங்க...

பப்பு கிட்ட இருந்து போஸ்ட் எதிர்ப்பாக்காதீங்க இன்னிக்கு...பையன் காலைல இருந்து நொந்து நூடுல்ஸ் ஆகி....இப்போ டொக்கு டொக்குனு கீ போர்ட தட்டிகிட்டு உக்காந்து இருக்கான்.....


இனிமே போஸ்ட் போடுவே... போஸ்ட் போடுவே.... பப்பு தலையில அடிச்சிகிற மாதிரியே.....தட்டிகிட்டு இருக்கான் கீ போர்ட...உங்களுக்கு சத்தம் கேக்குதா?

டொக்...டொக்..டொக்.........



தேவா. S