Skip to main content

வரம்....!














ஞாபகங்களின் ஆளுமையில்
வந்து விழும் நினைவுகளில்
நிறைந்திருக்கும் உணர்வுகளில்
ஆனந்தக் கனவுகளில்
வெட்கி நிற்கிறது உன்னிடம்
நான் சொல்ல மறந்த காதல்...!

தொலை தூர புள்ளியாய்
நகரும் உன் நகர்வில் லயித்து
உன்னைப்பற்றிய கனவுகளில்
நினைவுகளை செரித்து செரித்து
படைத்துக் கொண்டிருக்கிறேன்
உனக்கான ஒரு கவிதையை....!

எப்போதோ பெய்தாலும்
தவறாமல் நெஞ்சு நிறைக்கும்
ஒரு வானம் பார்த்த மழையாய்
காதலை கொட்டி நிறைக்கிறது
ஆசையாய் நீ பரவவிட்டுச் சென்ற...
அடர்த்தியான அந்த கடைசிப் பார்வை....!

என் மனக்கிளைகளில்
அமர்ந்திருக்கும் அத்தனை
எண்ணக் குயில்களும் இசைக்கும்.....
இசையில் தப்பாமல் ஒளிந்திருக்கிறது
உனக்கான ஒரு காதல் ராகம்....!

அழுந்த பெய்யாத மழைக்குப்
பின்னான மண்ணின் வாசம் போல
விரவிக்கிடக்கும் உணர்வுகள்
கண் சிமிட்டி சிரிக்கின்றன
எனக்குள் இருக்கும் உனக்கான
கம்பீரக் காதலைப் பார்த்து...!

ஒரு மரமும் அதன் நிழலும்
கொஞ்சலோடு பேசிச் சிரித்து
எனைக் கேலி செய்த பொழுதில்
கையிலிருந்த நோட்டுப் புத்தகத்தில்
கிறுக்கத் தொடங்கியிருந்தேன்....
என் காதலின் கன பரிமாணங்களை....!

எப்படிப் பார்த்தாலும் ஒரு மனிதனுக்குள் இருக்கும் பச்சையம், அந்த உயிர்ப்புத் தன்மையின் மூல முடிச்சு காதல். காதல் இல்லை எனக்குள் என்று சொல்லும் மனிதர்களிடம் எச்சரிக்கையாக இருப்பது நலம். காதல் என்ற வார்த்தையின் கற்பிதங்கள் பலவாறு மனித மூளைகளுக்குள் பதியப்பட்டு இருப்பதால் அறிவின் படி நிலைக்கேற்ப, ஏற்பட்ட அனுபவத்திற்கேற்ப ஒரு புரிதல் கிடைக்கும். காதல் சம்பந்தப்பட்ட ஒரு மிஸ்டிக் நினைவுகள் வருவது எப்போது என்று கொஞ்ச ஆராய்ந்து பார்த்தால்....

அது பெரும்பாலும் தனிமையில்தான் தனது ராஜாங்கத்தை நடத்துகிறது.....ஆமாம் தனிமை தவம் அல்ல....அது வரம்....!



தேவா. S

Comments

Jeyamaran said…
அண்ணா அட்டகாசமான கவிதை இருங்க இதை அண்ணி போட்டுகுடுகிறேன் :)......
Jeyamaran said…
சங்கத்து பேர எழுத மறந்துட்டோம் இப்படிக்கு குடும்பத்துல குண்டுவைபோர் சங்கம்

உறுப்பினர்கள்
ஜெயமாறன்
ரசிகன் சௌந்தர்
கோமாளி செல்வா
வெறும்பய ஸ்ரீகிருஷ்ணா ஜெயந்த்
Jeyamaran said…
அடடா இந்த சங்கத்து தலைவர் நீங்கன்னு தெரியாம பஞ்சாயத்து பண்ணிட்டோம்
by...
குடும்பத்துல குண்டுவைபோர் சங்கம்
//ஞாபகங்களின் ஆளுமையில்
வந்து விழும் நினைவுகளில்
நிறைந்திருக்கும் உணர்வுகளில்
ஆனந்தக் கனவுகளில்
வெட்கி நிற்கிறது உன்னிடம்
நான் சொல்ல மறந்த காதல்...!//

இதுதானோ சுகமான சுமைகள்.

//தொலை தூர புள்ளியாய்
நகரும் உன் நகர்வில் லயித்து
உன்னைப்பற்றிய கனவுகளில்
நினைவுகளை செரித்து செரித்து
படைத்துக் கொண்டிருக்கிறேன்
உனக்கான ஒரு கவிதையை....!//

அருகில் இருந்தாலும் வரும், தூரத்தில் இருந்தாலும் வரும்.

//என் மனக்கிளைகளில்
அமர்ந்திருக்கும் அத்தனை
எண்ணக் குயில்களும் இசைக்கும்.....
இசையில் தப்பாமல் ஒளிந்திருக்கிறது
உனக்கான ஒரு காதல் ராகம்....!//

இதுதாண்ணே நான் ஸ்டாப் கொண்டாட்டம்.
//அழுந்த பெய்யாத மழைக்குப்
பின்னான மண்ணின் வாசம் போல
விரவிக்கிடக்கும் உணர்வுகள்
கண் சிமிட்டி சிரிக்கின்றன
எனக்குள் இருக்கும் உனக்கான
கம்பீரக் காதலைப் பார்த்து...!//

நினைவுகள் ஊற்றாய் பெருகும் போது மெலிதாய் வரும் புன்சிரிப்பு.
"மரநிழலும் மரமும்
கொஞ்சி பேசி"

அருமையான வரிகள் நண்பரே

வாங்களேன் என் வதம் பார்க்க
http://marumlogam.blogspot.com/2010/11/blog-post_10.html
அது பெரும்பாலும் தனிமையில்தான் தனது ராஜாங்கத்தை நடத்துகிறது.....ஆமாம் தனிமை தவம் அல்ல....அது வரம்....!

//


சரியாக சொன்னீர்கள் அண்ணா... தனிமை அனுபவிக்க தெரிந்தவனுக்கு மட்டும் தான் வரம்... வேறுத்தொதுக்குபவனுக்கு தனிமை என்றுமே சாபம் தான்...

தனிமையின் நினைவுகள் சுமையுடன் கூடிய சுகமான சுகந்தம்...
//ஒரு மரமும் அதன் நிழலும்
கொஞ்சலோடு பேசிச் சிரித்து
எனைக் கேலி செய்த பொழுதில்
கையிலிருந்த நோட்டுப் புத்தகத்தில்
கிறுக்கத் தொடங்கியிருந்தேன்....
என் காதலின் கன பரிமாணங்களை....!//

நினைக்க ஆரம்பித்த நொடியினிலே பல வண்ணம் கொள்ளும்... எழுதி முடிக்க முடியா கனங்கள்.
நோட்டுப் புத்தகத்தில்
கிறுக்கத் தொடங்கியிருந்தேன்....
என் காதலின் கன பரிமாணங்களை....!///

அந்த நோட்டுப் புத்தகத்தில் எழுதிய கவிதை தான் இதுவா..?
எதோ புரியுற மாதிரி இருக்கு ஆனா புரியல ..........
@தேவா

ரைட்டுங்க மாப்ஸ்!! கவிதை நல்லா இருக்கு. எனக்கும் ஒரு ப்ளாக் இருக்கு அதை போய் தூசி தட்டரேன்... :))
//
நோட்டுப் புத்தகத்தில்
கிறுக்கத் தொடங்கியிருந்தேன்....
என் காதலின் கன பரிமாணங்களை....!///

அந்த நோட்டுப் புத்தகத்தில் எழுதிய கவிதை தான் இதுவா..? //
சௌந்தர் அது அந்த முறைச்சி பார்த்த பல பரிமாணங்கள்
dheva said…
இம்சை அரசன் பாபு...@ தம்பி.. புரியலையா..???? அடக் கடவுளே.....நான் என்ன பண்ணட்டும்....!
dheva said…
செளந்தர்..@ யெஸ் யெஸ்..அதே கவிதைதான்...!
dheva said…
டெரர்...@ மாப்ஸ் ...கவிதை எழுத போறியா???????? ப்ளீஸ் சொல்லிட்டு செய்...பல பேரை போர்ல மண்டியிடச் செய்த வீரன் நீ.....உனக்குள் கவிதையா....கிரேட்...சீக்கிரம்..சீக்கிரம்..சீக்கிரம்...!
dheva said…
ஜெயமாறன்...@ தம்பி இந்த கவிதை எழுதின பின்னால ஸ்பெல்லிங் செக் பண்ணி கொடுத்ததே..அண்ணிதான்...(இது எப்டி இருக்கு....????)
//என் மனக்கிளைகளில்
அமர்ந்திருக்கும் அத்தனை
எண்ணக் குயில்களும் இசைக்கும்.....
இசையில் தப்பாமல் ஒளிந்திருக்கிறது
உனக்கான ஒரு காதல் ராகம்....!//

இந்த வரிகள் எனக்கு ரொம்ப பிடிச்சிருக்கு அண்ணா .,!! இத நான் ஒரே தடவைல புரிஞ்சிக்கிட்டேன் .. கவிதைன்னு நினைச்சதுமே சரி கொஞ்சம் நின்னு நிதானிச்சு படிக்கணும் அப்படின்னு இப்பத்தான் படிச்சேன் .. இப்படி நல்லா இருக்குனு தெரிஞ்சிருந்தா முதல்லையே வந்து வடை வாங்கிருப்பேன் ..!!
//ஞாபகங்களின் ஆளுமையில்
வந்து விழும் நினைவுகளில்
நிறைந்திருக்கும் உணர்வுகளில்
ஆனந்தக் கனவுகளில்
வெட்கி நிற்கிறது உன்னிடம்
நான் சொல்ல மறந்த காதல்...!//

அங்க போய் ஏன் மறந்தீங்க? ஒரு பேப்பர்லயாவது எழுதி வச்சிட்டு போயிருக்கலாமே?
//தொலை தூர புள்ளியாய்
நகரும் உன் நகர்வில் லயித்து
உன்னைப்பற்றிய கனவுகளில்
நினைவுகளை செரித்து செரித்து
படைத்துக் கொண்டிருக்கிறேன்
உனக்கான ஒரு கவிதையை....!//

தொலைவுல போனாதான் கவிதை வருது. பக்கத்துல இருந்தா மொக்கை பிகர் அப்டிங்கிறீங்களா?

செரித்து செரித்துஜீரணிக்க முடியாத பிகரா. செரிக்க டைம் ஆகுமா?
//என் மனக்கிளைகளில்
அமர்ந்திருக்கும் அத்தனை
எண்ணக் குயில்களும்//

அப்ப காக்கா?
////நிறைந்திருக்கும் உணர்வுகளில்
ஆனந்தக் கனவுகளில்
வெட்கி நிற்கிறது உன்னிடம்
நான் சொல்ல மறந்த காதல்...!////

சொல்லாத காதலின் வலி மனதை அரித்துத் தின்றுவிடும்!
///தொலை தூர புள்ளியாய்
நகரும் உன் நகர்வில் லயித்து
உன்னைப்பற்றிய கனவுகளில்
நினைவுகளை செரித்து செரித்து
படைத்துக் கொண்டிருக்கிறேன்
உனக்கான ஒரு கவிதையை....!///

ஆஹா... ரொம்பச் சரி, காதல் கவிதைகளின் மூலம் எப்போதும் பழைய காதலே!
////என் மனக்கிளைகளில்
அமர்ந்திருக்கும் அத்தனை
எண்ணக் குயில்களும் இசைக்கும்.....
இசையில் தப்பாமல் ஒளிந்திருக்கிறது
உனக்கான ஒரு காதல் ராகம்....!////

அடடா.... காதல் ராகமும் கன்னித்தமிழும் ஒன்று சேர்ந்ததுவோ..... (இது இந்திரன் சந்திரன் படத்தில் வரும் பாடல்)
////காதல் சம்பந்தப்பட்ட ஒரு மிஸ்டிக் நினைவுகள் வருவது எப்போது என்று கொஞ்ச ஆராய்ந்து பார்த்தால்....

அது பெரும்பாலும் தனிமையில்தான் தனது ராஜாங்கத்தை நடத்துகிறது.....ஆமாம் தனிமை தவம் அல்ல....அது வரம்....!////

அல்டிமேட் ஊர்ஸ்.... தனிமையின் இனம்புரியா நினைவுகள்..... உணர்வுகள் காதலின் ஒரு அங்கம்!
RVS said…
//நினைவுகளை செரித்து செரித்து
படைத்துக் கொண்டிருக்கிறேன்
உனக்கான ஒரு கவிதையை.//
நினைவு செரிமானம் ஆச்சா? நல்லா வந்திருக்கு..
கோபப்படலைன்னா ஒரு சின்ன சஜ்ஜஷன். ஏன் எல்லா தலைப்புகளிலும் "......." வக்கிறீங்க. அது கொஞ்சம் இழுக்கறா மாதிரி இருக்கு.
நன்றி ;-)
Anonymous said…
ஒரு அருமையான காதல் வெளிப்பாடு..
சூப்பர் அண்ணா..
NaSo said…
சொல்லாத காதல் எல்லோருக்கும் உண்டு அண்ணா.
Unknown said…
//எப்போதோ பெய்தாலும்
தவறாமல் நெஞ்சு நிறைக்கும்
ஒரு வானம் பார்த்த மழையாய்//
Unknown said…
//அழுந்த பெய்யாத மழைக்குப்//
அழுந்த ???
TOP 10 ல இருக்குறதா கேள்விப்பட்டேன்..., வாழ்த்துக்கள்...
ஆழ்மனக் காதலின் வெளிப்பாடாய் கவிதை. மிக அருமை பாஸ் . இணைந்து இருக்கும் நேரத்தை விட தனிமையில் தனது ராஜாங்கத்தை நடத்தும்
//ஒரு மனிதனுக்குள் இருக்கும் பச்சையம், அந்த உயிர்ப்புத் தன்மையின் மூல முடிச்சு காதல். //

காதலும் ஒரு முறை வந்து போகும் உயிர் போன்றது.

நம் கண்முன்னே நாம் தூக்கில் தொங்கும் நிலையை உணருவோம்
நம் காதலியிடம் நம் காதலை சொல்லும் போது.
@பன்னிக்குட்டி ராம்சாமி

//சொல்லாத காதலின் வலி மனதை அரித்துத் தின்றுவிடும்!//

நான் வேணும்னா Pest Control போன் பண்ணவா?

//ஆஹா... ரொம்பச் சரி, காதல் கவிதைகளின் மூலம் எப்போதும் பழைய காதலே!//

அப்பொ இப்பொ இருக்க காதலியை நீங்க மதிக்க மாட்டிங்க?? Mrs.தேவா & Mrs.ராம்ஸ் பூரி கட்டை ரெடி பண்ணுங்க.

//அடடா.... காதல் ராகமும் கன்னித்தமிழும் ஒன்று சேர்ந்ததுவோ..... (இது இந்திரன் சந்திரன் படத்தில் வரும் பாடல்)//

ஏன் நீங்க வேணும்னா சொந்தமா ஒரு படம் எடுத்து ஒரு பாட்டு பாடி அதை இங்க சொல்லுங்களேன்...

//அல்டிமேட் ஊர்ஸ்.... தனிமையின் இனம்புரியா நினைவுகள்..... உணர்வுகள் காதலின் ஒரு அங்கம்!//

இதை மட்டும் நம்ம ப்ளாக்ல வச்சி பேசிக்கலாம்...

(மவனே இப்படி கவிஞனா மாறி வீண போற உன்னை திருத்தி நல்ல மொக்கைய மாத்தரேன்... இது சிரிப்பு போலீஸ் ப்ளாக் மேல ஆணை...)
@ நாகராஜசோழன் MA

//சொல்லாத காதல் எல்லோருக்கும் உண்டு அண்ணா.//

அப்பா நாகராஜா நீ வேற புதுசா ஆரம்பிக்காத. தயவு செஞ்சி போய் உன் காதல சொல்லிட்டு வந்துடு.... அவளுக்கு கல்யாணமாகி இருந்தாலும் சரி... :))
காதலைப்பற்றி எத்தனை கவிதை, கதை வந்தாலும் காதல் தீராது இல்ல.
S Maharajan said…
//ஒரு மரமும் அதன் நிழலும்
கொஞ்சலோடு பேசிச் சிரித்து//

உவமை!

கிறுக்கத் தொடங்கியிருந்தேன்....
என் காதலின் கன பரிமாணங்களை....!

கவிதை!
//அழுந்த பெய்யாத மழைக்குப்
பின்னான மண்ணின் வாசம் போல
விரவிக்கிடக்கும் உணர்வுகள்
கண் சிமிட்டி சிரிக்கின்றன
எனக்குள் இருக்கும் உனக்கான
கம்பீரக் காதலைப் பார்த்து...!
//

கவிதையில் காதல் ஊற்றாய்...
நல்லா சொல்லியிருக்கீங்க... இன்னும் முதல் காதலை மறக்கவில்லை என்பது பனித்துளியாய் கவிதையில்...
பிரமாதம் தல
தேவா பல முறை இங்கு வந்துள்ளேன். ஒலிக்கும் பாடல் தனிப்பட்ட முறையில் சந்தோஷமாயிருந்தாலும் இப்பக்கூட குழந்தைகள் அப்படியே இருக்கட்டும் என்று என்னை நகர்த்திவிட்டார்கள். ஓலியின் தரம் அற்புதம்.

தொட்ர்கின்றேன்.
vimalanperali said…
கவிதை நல்லாயிருக்கு.வாழ்த்துக்கள்.
நான் இதுவரை என்னோடைய எந்த பதிவையும் வந்து படியுங்கள் என்று யாரையும் அழைத்தது இல்லை . ஆனால் என்னுடைய , சாதி = எய்ட்ஸ் (part- 1) பதிவை படிக்க தாழ்மையுடன் அழைக்கிறேன் . நேரம் இருந்தால் வாருங்கள் நண்பரே .

http://rockzsrajesh.blogspot.com/2010/11/1.html

பணிவுடன் ,
ராக்ஸ் . . . .

Popular posts from this blog

ஆனந்த யாழை மீட்டுகிறாய்.....!

ஒரு அடைமழை நாளில் அதன் சாரலை வாங்கிக் கொண்டு வாசலோரம் அமர்ந்திருக்கையில் கிடக்கும் சுகமொன்றை நீ பிறந்த அன்று உணர்ந்தேன் என் மகளே...! கனவுகளோடு வாழ்க்கையைத் தொடங்கியவனின் மடியில் வந்து விழுந்த கவிதையொன்று என் கண் முன்னே வளர்ந்து நின்று அன்பினால் என்னை ஆளும் விந்தையொன்றை காலம் எனக்கு சமைத்துக் கொடுத்ததடி பெண்ணே உன் வடிவில்..! உன் செல்லக் கோபங்களும், தொடர்ச்சியான கேள்விகளும், ஆளுமையான அதிகாரமும் தீர்ந்தே போகாத நேசமும் என்று இறவனின் கரங்கள் நேரடியாய் என்னை ஆசிர்வதிக்கும் அலாதி சுகத்தை நீதானடி எனக்கு எப்போதும் கொடுத்துக் கொண்டிருக்கிறாய்... ஜடை பின்னுமளவிற்கு உனக்கு முடி வளர்ந்திருந்த தினமொன்றில் நீ கவிதையாய் தலை துவட்டிக் கொண்டிருந்த அந்த கன்னிக்காட்சியை என் விழிகள் விரிய பார்த்துக் கொண்டிருந்தேன்....உன்னை இழுத்து அணைத்து உச்சி முகர்ந்து உனக்கான முதல் ஜடையை ஆசையாய் நான் பின்னிப் பார்க்கையில் ஆசையாய் தாயொருத்தி முதன் முதலாய் தன் குழந்தைக்கு முலை பொறுத்தி பாலூட்டும் சுகமொன்றை உணர்ந்தேன் என் மகளே...! உன் பிஞ்சு விரல்களில் நான் நகம் நறுக்கும் தருணங்களில் எல்

குணா....!

இந்தப் படம் வந்த 1992ல் எனக்கு பைத்தியக்காரத்தனமான படமாகத் தோன்றியது. முழுப்படமும் அபத்தமாய் தெரிந்தது. குணாவுக்கும் அபிராமிக்குமான காதல் காட்சிகள் மட்டும் கொஞ்சம் சலிப்பில்லாமல் தோன்றியது. மற்றபடி சுத்தமாய் பிடிக்காத ஒரு திரைப்படமாய்த்தான் குணா எனக்கு இருந்தது. காலங்கள் கடந்து இங்கும் அங்கும் பயணித்து ஏதேதோ காரியங்கள் அழிந்துபோய் காரணங்களை பிடித்துத் தொங்கிக் கொண்டிருந்த ஒரு உன்மத்த நிலை ஓய்ந்து போய் குணாவை இப்போது பார்க்கும் பொழுதுதான் புரிகிறது ஜீனியஸ் என்ற வார்த்தையின் அர்த்தம் என்னவென்று. கமல்ஹாசன் என்னும் நடிகனுக்குள் இருக்கும் தேடல்தான் நிஜமான ஆன்மீகமாய் இருக்க முடியும் ஆனால் அதை கமல் ஆன்மீகம் என்று ஒத்துக் கொள்ளமாட்டார். ஆன்மீகம் என்ற பதம் இப்போது எங்கெங்கோ யார் யாருக்கோ வெவ்வேறு காரணங்களுக்காகப் பயன்பட்டுக் கொண்டிருக்கும் இந்தக் காலச்சூழலில் எனக்கும் கூட இந்த ஆன்மீகம் என்ற வார்த்தைப் பயன்பாடு கொஞ்சம் குமட்டிக் கொண்டுதான் வருகிறது. தேடலில் இருப்பவர்கள் தேடிக் கொண்டிருப்பவர்கள், இது எதனால், இதன் காரணம் என்ன? எனக்கு இப்படித் தோன்றுகிறதே ஏன்?  இந்த உடலுக்குள் தோன்றும் பல

இரவு...!

இரவுகளின் நீட்சிகள் படம் போல பகலிலும் தொடரும் ஒரு அற்புத அனுபவம் வாய்த்திருக்கிறதா உங்களுக்கு...? ஆமாம் இரவு எப்போதும் அலாதியானது...அதுதான் சத்தியத்தின் முகமும் கூட..வெளிச்சத்தின் மூலம் இருள்....! எல்லா ஒளிகளின் கருவறை. ஆதியில் இருந்தது இருளான சூன்யம்...சுன்யம்னா சலனமற்ற...ஒரு சப்தமில்லா அதுதான் எல்லாவற்றின் கருவறை. எதுவெல்லாம் ஜனிப்பிக்கிறதோ அதுவெல்லாம்...தாய் என்று சொல்வது எல்லாம் பெரும்பாலும் உருவாக்குவதலோடு அரவணைத்தலோடு சேர்ந்துதான் பார்க்கிறோம். பிரபஞ்ச மூலம் தாய். எல்லாவற்றையும் ஜனிப்பித்து, மரணித்து தன்னுள் அடக்கி வியாபித்து நிற்கும் பெருஞ்சக்தி. இந்த மூலத்தின் நிறம் இருளான சப்தமில்ல நிசப்தம். இந்த சாயலைத்தான் நான் இரவுகளில் பார்த்து லயித்துப் போய் அதோடு உறவாடுதல் ஒரு அலாதியான சுகத்தை எனக்கு கொடுத்து இருக்கிறது..உங்களுக்கும் கொடுக்கலாம் கொடுக்காமலும் இருக்கலாம்......அவரவர் மனோநிலை சார்ந்த விடயம் அது. இச்சைகள் தொலைத்த ஞானி போல சப்தங்கள் தொலைத்த இரவுகளை எப்போதும் காதலிக்கிறேன்.நிலவிருந்தால் ஒரு கதை சொல்லும் நிலவற்றிருந்தால் வேறு கதை சொல்லும்..சிரிக்கும் நட்சத்திர கூட்டமோ...தூரத்த