இரு இதய துடிப்புகளுக்கு
இடையே நிசப்தமாய்
பரவிக் கிடக்கிறது
உன் நினைவுகள்..!
ஒரு பேய் மழை
மனதுக்குள் இடியாய் பெய்து
வார்த்தைகளில் சாரலாய்
அள்ளித் தெறிக்கும் கவிதைகளை
நான் உன் மீதான காதல் என்கிறேன்!!!!
சாலையோரப் பேருந்தில்
ஜன்னலோரம் உன்னைக் கண்டு
சட்டென்று கூப்பிடத் தோன்றிய
ஆசையை அடக்கிக் கொண்டு
தூரமாய் உன்னை ரசித்து
நகர்கிறது என் சுவாரஸ்ய புத்தி!
அடிக்கடி மணி பார்க்க
நீ உன் மணிக்கட்டை பார்க்கும்
பொழுதில் மட்டும்
நேருக்கு நேராய் உன் முகம் பார்த்து
நெற்றியிலிருக்கும் வியர்வையை
என் நினைவுகளால் துடைக்கிறேன்!
தொட்டு விடும் தூரத்தில்
இருக்கும் உன்னை
எட்ட நின்று காணும் பொழுதுகளில்
இரு சிறகுகள் முளைத்து
மேக வானில் பறக்கிறேன்..!
ஒரு புல்லாங்குழலின்
இசையின் மீதமர்ந்து
எட்ட முடியாத் திசைகளையும்
கடந்தே விடுகிறேன்..!
எதிர் பாராமல்
உன்னைக் காணும்
அந்த தினத்தின் வினாடிகளில்
என்னதான் செய்வாய் நீ
என்றென்ணும் கனவுகளில்
கடக்கிற நிகழ் கால
நிமிடங்களுக்குத் தெரியுமா
நம் கண்களில் துளிர்க்கும்
கண்ணீரில் படிந்திருக்கும்
ஒரு களங்கமற்ற காதலைப் பற்றி?
தேவா. S
Comments
இருக்கும் உன்னை
எட்ட நின்று காணும் பொழுதுகளில்
இரு சிறகுகள் முளைத்து
மேக வானில் பறக்கிறேன்..!
.... very nice.....ஆத்மார்த்தமா எழுதி இருக்கீங்க.
உன்னைக் காணும்
அந்த தினத்தின் வினாடிகளில்
என்னதான் செய்வாய் நீ//
...ஹம்ம்ம்ம்.. வேற என்ன பண்ணுவாங்க? இத்தனை நாள் எதிர் பார்த்திருந்த ஆசைகள் எல்லாம் கொட்டித் தீர்த்து... எட்டிப் பறந்தே காதல் வானில் சிறகடிப்பீங்க.
ரொம்ப பிடிச்சிருந்தது. :)
வாழ்த்துக்கள்.
ஜன்னலோரம் உன்னைக் கண்டு
சட்டென்று கூப்பிடத் தோன்றிய
ஆசையை அடக்கிக் கொண்டு
தூரமாய் உன்னை ரசித்து
நகர்கிறது என் சுவாரஸ்ய புத்தி!//
சும்மா ரசிச்சுட்டே நின்னுட்டிருந்தா பஸ் போயிடுமே :-))))
கவிதை ரொம்ப நல்லாருக்கு. ரசிச்சேன்.
நெற்றியிலிருக்கும் வியர்வையை
என் நினைவுகளால் துடைக்கிறேன்!///
ஏன் உண்மையா துடைக்க வேண்டி தானே அது என்ன நினைவுகளால்
நீ உன் மணிக்கட்டை பார்க்கும்
பொழுதில் மட்டும்
நேருக்கு நேராய் உன் முகம் பார்த்து
நெற்றியிலிருக்கும் வியர்வையை
என் நினைவுகளால் துடைக்கிறேன்..
நன்றாக இருக்கிறது.... :)
இருக்கும் உன்னை
எட்ட நின்று காணும் பொழுதுகளில்
இரு சிறகுகள் முளைத்து
மேக வானில் பறக்கிறேன்..!/////////
வார்த்தை அலங்காரம் அருமை நண்பா . எதார்த்த வரிகள் கவிதைக்கு மேலும் மெருகூட்டி இருக்கிறது . வாழ்த்துக்கள்
வித்தியாசமான திறமைகள் இருக்கின்றன. ஒரு பதிவில் பேய்க்கு பயப்பட வைக்கிறீர்கள். இருநூறாவது பதிவில் அழ வைத்து விட்டீர்கள். கவிதை பதிவு வித்தியாசமான அனுபவம்.
உங்களது திறமைகளை நன்கு வளர்த்துக் கொள்ளுங்கள். நன்கு பயன்படுத்திக் கொள்ளுங்கள்.
நான் உங்கள் எழுத்துக்கு ரசிகன் தேவா.
வாழ்த்துக்கள் தேவா.
இருக்கும் உன்னை
எட்ட நின்று காணும் பொழுதுகளில்
இரு சிறகுகள் முளைத்து
மேக வானில் பறக்கிறேன்..!
பக்கத்து வீட்லயே லவ்வரை வெச்சுக்கிட்டு.. ஹி ஹி