Pages

Tuesday, December 14, 2010

அதுவா....?
























ஒரு முறை என்னைப் பார்
என்னை உன் விழிகளால் விழுங்கு
மெளனத்தால் அரவணை
காதுகளுக்குள் கிசு கிசுப்பாய்
காதல் மொழி பேசு...
சில முத்தங்கள் மூலம் எனக்குள்
காதலை பரவ விடு...
சப்தமில்லாமல் சிரி...
உனகானவன் நான் தான்
என்ற உரிமையில்..என்னை
முழுதுமாய் உடைத்துப் போடு!

பற்றிப் பரவும் கொடியின்
காதலில் லயித்துக் கிடக்கும்
ஒரு மரம் போல ...
உன் மொத்தக் காதலும்
என்னை மூர்ச்சையாக்கிப் போனதில்
உணர்வுகளின் சங்கமித்தில்
இசைக்கும் கீதம்... என் உயிரின்
மூலம் தொட்டு தடவுகிறது....!

என் பெயர் சொல்லி
ஓராயிரம் முறை அழைத்து
உன் காதலை என் மீது தெளிக்கிறாய்..
நானோ பார்வைகள் தொலைத்து
சப்தங்கள் இழந்து...சுவாசத்தினூடே
உன் நினைவுகளை என்னுள் பரவவிட்டு
மழை வாங்கும் நிலமாய்...
மெளனித்துக் கிடக்கிறேன்..!

காமத்தின் வேர்கள் அறுக்கப்பட்டதில்
கிளைந்தெழுந்த விருட்சமாய்
வெகுண்டெழுந்த அவதாரமாய்
சுற்றுச் சூழல் மறந்து விசுவரூபத்தில்
வியாபித்து நிற்கிறதே.. ஒன்று....
அதுதானே உன் விழிகளால்
என் விழிகளுக்குள் நீ விதைத்துப் போட்ட
பிரமாண்டக் காதல்..?


தேவா. S

23 comments:

சௌந்தர் said...

என் பெயர் சொல்லி
ஓராயிரம் முறை அழைத்து
உன் காதலை என் மீது தெளிக்கிறாய்.///

அவங்க வாசல் தெளித்து கோலம் போட்டு இருப்பாங்க அதானே...?

சௌந்தர் said...

என் விழிகளுக்குள் நீ விதைத்துப் போட்ட
பிரமாண்டக் காதல்..?///

ஷங்கர் படம்...

சௌந்தர் said...

உனகானவன் நான் தான்
என்ற உரிமையில்..என்னை
முழுதுமாய் உடைத்துப் போடு///

நேத்து பேசும் போது வீட்டில் ஏதோ உடைக்கிற சப்தம் கேட்டுது அது இது தானா...

சௌந்தர் said...

உன் நினைவுகளை என்னுள் பரவவிட்டு
மழை வாங்கும் நிலமாய்...
மெளனித்துக் கிடக்கிறேன்..!///

இந்த வரி ரொம்ப சூப்பர் அண்ணா....!

karthikkumar said...

உன் விழிகளால்
என் விழிகளுக்குள் நீ விதைத்துப் போட்ட
பிரமாண்டக் காதல்..//
:))

வெறும்பய said...

காதலின் பிரமாண்டத்தை சொல்கிறது,, இந்த பிரமாண்டமான வரிகள்..

சங்கவி said...

உன் விழிகளால்
என் விழிகளுக்குள் நீ விதைத்துப் போட்ட
பிரமாண்டக் காதல்..?

::)))))))))

சுபத்ரா said...

//உனகானவன் நான் தான்
என்ற உரிமையில்..என்னை
முழுதுமாய் உடைத்துப் போடு!//

உடைத்துப் போட உரிமை கொடுக்கும் காதல் ஒரு உன்னதக் காதல்!

//பற்றிப் பரவும் கொடியின்
காதலில் லயித்துக் கிடக்கும்
ஒரு மரம் போல ...//

கொடி, மரத்தைக் காதல் செய்கிறது என்பதே அற்புதமான கற்பனை. அதற்கும் அதிகமாக அந்தக் கொடி கொண்ட காதலில் லயித்துக் கிடக்கும் மரம்னு எழுதி....... செம தேவா :)

//மழை வாங்கும் நிலமாய்...
மெளனித்துக் கிடக்கிறேன்..!//

காதலை ஏற்றுக்கொண்டதைச் சொல்வதற்கு இதற்குமேல் வேறு வார்த்தைகள் இருக்கமுடியாது தேவா.

கடைசிப்பத்தியில் தெரிகிறது காமம் அற்ற....சாரி., காமம் கடந்த ஒரு காவியக் காதல்!!!

உணர்வுகளை வார்த்தைகளில் வடிப்பது சுலபம் இல்லை. எல்லோருக்கும் சாத்தியப்படுவதில்லை தேவா. WELL DONE!! :) AWAITING MORE SUCH POEMS FROM YOU..

அருண் பிரசாத் said...

கலக்கல்...

(ஏம்பா இப்படித்தான போடனும்)

கே.ஆர்.பி.செந்தில் said...

அசத்தல்...

சே.குமார் said...

//என் பெயர் சொல்லி
ஓராயிரம் முறை அழைத்து
உன் காதலை என் மீது தெளிக்கிறாய்..
நானோ பார்வைகள் தொலைத்து
சப்தங்கள் இழந்து...சுவாசத்தினூடே
உன் நினைவுகளை என்னுள் பரவவிட்டு
மழை வாங்கும் நிலமாய்...
மெளனித்துக் கிடக்கிறேன்..!//

அசத்தல்.

கலக்கல்.

ரமேஷ்- ரொம்ப நல்லவன்(சத்தியமா) said...

//கே.ஆர்.பி.செந்தில் said...

அசத்தல்...///

This is sathyaraaj film

ஜீவன்பென்னி said...

உணர்வ மட்டும் அப்படியே பிய்த்து எடுத்து வார்த்தைகளால் எங்களுக்குள்ளும் செலுத்திடுறீங்களே.......

கோமாளி செல்வா said...

//என் பெயர் சொல்லி
ஓராயிரம் முறை அழைத்து
உன் காதலை என் மீது தெளிக்கிறாய்..
நானோ பார்வைகள் தொலைத்து
சப்தங்கள் இழந்து...சுவாசத்தினூடே
உன் நினைவுகளை என்னுள் பரவவிட்டு
மழை வாங்கும் நிலமாய்...
மெளனித்துக் கிடக்கிறேன்..!
//

சூப்பர் அண்ணா ..!! இந்த வரிகள் எனக்கு ரொம்ப பிடிச்சிருக்கு ..!

கோமாளி செல்வா said...

//அதுதானே உன் விழிகளால்
என் விழிகளுக்குள் நீ விதைத்துப் போட்ட
பிரமாண்டக் காதல்..?
//

இதுவும் கலக்கல் ..!!

nis said...

அசத்தல்
super

எஸ்.கே said...

அழகான கவிதை! அருமை!

நிலாமதி said...

//மழை வாங்கும் நிலமாய்...
மெளனித்துக் கிடக்கிறேன்..!.......அசத்தல்.

வினோ said...

காதலின் அளவா இல்லை அதன் ஆழமா?..
எப்படி பார்த்தாலும் காதல் மட்டுமே உன்னதம்...

Kousalya said...

நேற்று தேடல்.....! இன்று காதல்.....! காதலும் ஒரு தேடல் தானோ...?!

இந்த வரி, அந்த வரி என்று குறிப்பிட்டு சொல்ல இயலாத அளவில் மொத்த கவிதையுமே காதலின் அழகை அப்படியே போட்டு உடைத்திருக்கிறது முகமூடி அணியாமல்... சிறிதும் வேடம் தரிக்காமல்.....இயல்பாய்....அறிவாய்.....ஆத்மார்த்தமாய்.....!! அதிகமாய் ரசித்தேன்....ரசித்துகொண்டிருக்கிறேன்.......!

எதை பற்றி எழுதினாலும் அனைத்தும் சிறப்பாய் எழுத எல்லோராலும் முடியாது....உங்களுக்கு முடிகிறது. வாழ்த்துக்கள்.

TERROR-PANDIYAN(VAS) said...

@அருண்

//கலக்கல்...

(ஏம்பா இப்படித்தான போடனும்)

//

மச்சி!!! எங்க இருந்தாலும் சீக்கிரமா ஓடு வா. கவிதை விட கமெண்ட்ல வூடு கட்டி விள்ளாடலாம் போல... நிறையா ஆடு மச்சி... :)))))

Ananthi said...

//உன் மொத்தக் காதலும்
என்னை மூர்ச்சையாக்கிப் போனதில்
உணர்வுகளின் சங்கமித்தில்
இசைக்கும் கீதம்... என் உயிரின்
மூலம் தொட்டு தடவுகிறது....!//

உயிரின் மூலம் தொட்டக்காதல்...உன்னதக் காதல் தான்... :-)

//உன் நினைவுகளை என்னுள் பரவவிட்டு
மழை வாங்கும் நிலமாய்...
மெளனித்துக் கிடக்கிறேன்..!///

அவங்க கூப்பிடுவதுலேயே... மயங்கி போய்... மௌனித்து இருப்பதாய்.. அழகான உணர்வு.. :-))

உங்க கவிதை மொத்தமும் அழகு தான்.. ஏற்ற படமும்... கண்ணே கலைமானே... இசையின் பின்னணியும்.... சூப்பர்ப் :-)

ஹேமா said...

காற்றாகிப் பறக்கும் தேகம்.
பிரமாண்டத்துள் மூழ்கிக்கொண்டிருக்கும் காதல்.
பேதமற்ற உடலுயிர் தழுவிக்கொள்ளும் வாழ்வின் அசாத்திய ஒரு உலகம்.அத்தனையும் உணர்கிறேன் வரிகளுக்குள் !